Projet Gordes — Correspondance du XVIe siècle

Monsieur, si les chemins eussent estées libres je vous eusse envoyé yert homme exprès pour vous advertyr

comme le sieur de Mombrum arrivat ce mesme jourt à Rouynac accompaigné de six à set vintz chevaus quon

dit estre assés bien. Siguerany estoit auparavant lougé à Clyon d’Andrans avec quatre vintz chevaus et cent

arquebusier lequel ha faict rafler tout notre bestail et par concequent tout celuy de Sainct-Gervays et des villages

cyrconvoysins qui nest pas une petite perte de laquelle le pouvre peuple ce trouve grandement escandalisé

et presque esbranlé à les adherer nestant favorisé ny assisté de nous. Les lieus fermées où vous pourveutes

dicy es environs avant votre partement sont par ce moyen encores en leurs entier, estant ceus qui en ont

prins la charge en bonne vollonté de ce bien desfendre silz sont attaqués. Je say de bonne part comme les

ennemys mènent quelque entreprise sus Vienne, laquelle ilz pretendent executer entre cy et dimanche. Ilz ce

font ouyr partout quilz veuillent combatre à quelque pris que ce soit, ce que je tiens estre tout le contrepiet de

leurs dessains. Le cappitaine Baron de Villeneufve de Berc est avec eus avec cent cinquante arquebusiers quil

ha faict passer de dessa et ce quil a peu ramasser à cehval. Quant aus Prouvenceaus, ilz en ont tout

ce quilz en attendoyent. Leurs fources de Gappenssoys ne sont encoures dessenduees. Ilz les attendent

dheure à aultre, faisant courre le bruict quilz passeront la Droume au premier jourt. Jey entendu quilz

sont desliberés de ne faire aulcune trefve estant favorisé de ceus du Vivarez et Prouvence comme ilz

sont de present, ou quoy quilz laccordent ne l#a point tenyr pour lesperance quilz ont de butiner sus

le pillaige du bestail de ces quartiers en ce prevallant du ranssonnement des pouvres gens, lesquelz

sont par ce moyen grandement travaillées. Monsieur de Louynes vous dirat le surplus estant

choses qui ne ce peuvent escrire. Ma mère est tousiours à Sainct Gervays. Dieu veuille quelle naye bien

toust Siguerany pour houste. Le cappitaine Marin est lougé à Manas avec cent arquebusiers à cheval. Ma

femme ce pourte mieus de sa fievre quelle ne soulloit, Dieu mercy, auquel je supplie vous donner,

monsieur, en très bonne sancté longue et hereuse vye. Au Montelimar, ce XVIe mars. Je vous envoye des

lettres du cappitaine Sainct Aubain.

Vostre très humble très hobeyssant filz et serviteur

Hourche

Consultation